നമ്മൾ ഉപയോഗിക്കുന്ന പഴയനിയമം തന്നെയാണോ യഹൂദന്മാരും ഉപയോഗിക്കുന്നത്?

അതെ എന്നാണ് ഉത്തരം. ഉള്ളടക്കത്തിൽ യാതൊരു വ്യത്യാസവുമില്ല. പുസ്തകങ്ങളുടെ എണ്ണത്തിൽ മാത്രം അല്പം വ്യത്യാസമുണ്ട്. നമ്മൾ ഉപയോഗിക്കുന്ന പഴയ നിയമത്തിൽ 39 പുസ്തകങ്ങൾ ഉള്ളപ്പോൾ യഹൂദന്മാരുടെ ബൈബിളിൽ 24 പുസ്തകങ്ങളെ ഉള്ളൂ. 15 പുസ്തകങ്ങളുടെ കുറവ് വരാൻ കാരണം നമ്മൾ രണ്ടു ഭാഗങ്ങൾ വീതം കൊടുത്തിട്ടുള്ള ശമുവേൽ, രാജാക്കന്മാർ, ദിനവൃത്താന്തം എന്നീ മൂന്ന് പുസ്തകങ്ങളെ ഒന്ന് വീതം ആയിട്ടാണ് യഹൂദ ബൈബിളിൽ ഉള്ളത്. അങ്ങനെ മൂന്നു പുസ്തകങ്ങളുടെ കുറവ് വന്നു. എസ്ര, നെഹമ്യാവ് എന്നീ രണ്ടു പുസ്തകങ്ങളെ ഒരു പുസ്തകം ആയിട്ടാണ് യഹൂദ ബൈബിളിൽ ഉള്ളത്. അപ്പോൾ കുറവ് നാലു പുസ്തകങ്ങൾ ആയി. ഇനി ഹോശേയാ മുതൽ മലാഖി വരെയുള്ള 12 പ്രവാചക പുസ്തകങ്ങളെ ( ഹോശേയാ, യോവേൽ, ആമോസ്, ഓബദ്യാ, യോനാ, മീഖാ, നഹൂം, ഹബക്കൂക്ക്, സഫന്യാവ്, ഹഗ്ഗായി, സഖര്യാ, മലാഖി) ചെറിയ പ്രവാചകന്മാർ എന്ന പേരിൽ ഒറ്റ പുസ്തകം ആയിട്ടാണ് യഹൂദ ബൈബിളിൽ കൊടുത്തിട്ടുള്ളത്. ഇവിടെ 11 പുസ്തകങ്ങളുടെ കുറവ് വന്നു. മൊത്തം 15 പുസ്തകങ്ങൾ അങ്ങനെ കുറഞ്ഞു. ദൈവം അനുഗ്രഹിക്കട്ടെ.